Þar sem markmið skólanna er að vinna sameiginlega námskrá samþykkti foreldraráð Tjarnarborgar og Öldukots að til yrði eitt foreldrafélag og eitt foreldraráð á nýliðnum haustfundi!

Hlutverk foreldraráðs er að gefa umsagnir til leikskóla og nefndar, sbr. 2. mgr. 4. gr. um skólanámskrá og aðrar áætlanir sem varða starfsemi leikskólans. Þá skal ráðið fylgjast með framkvæmd skólanámskrár og annarra áætlana innan leikskólans og kynningu þeirra fyrir foreldrum. Foreldraráð hefur umsagnarrétt um allar meiri háttar breytingar á skólastarfi.

Stjórn foreldrafélagsins fundar reglulega og situr leikskólastjóri þá fundi fyrir hönd starfsfólks. Foreldrar greiða tvisvar á ári gjald í skemmti- og fræðslusjóð félagsins. Foreldrafélagið sér um að halda einn til tvo fræðslufundi á ári fyrir foreldra skólans. Félagið greiðir rútugjald í árlega sveitaferð og fyrir sýningu á einu til tveimur leikritum eða annarri skemmtun. Foreldrafundur er haldinn einu sinni á ári að haustlagi. Þá er vetrarstarf leikskólans og ársáætlun kynnt.

Foreldraviðtöl eru einu sinni á ári (febr./mars). Óski foreldrar eftir fleiri viðtölum þá er auðvelt að koma því við.

Markmiðið með foreldrasamstarfi er að vinna saman með tvo heima barnsins, þ.e. leikskóla og heimili, á jákvæðan og uppbyggilegan hátt. Markmið samkvæmt aðalnámskrá er;

• að veita foreldrum upplýsingar um starfsemi leikskólans.
• að veita
  foreldrum upplýsingar um þroska barnsins og stöðu þess í leikskólanum.
• Að stuðla að þátttöku foreldra í starfi leikskólans
• Að skapa umræðuvettvang fyrir skoðanaskipti um uppeldi barna

Við viljum vera í góðum tengslum við foreldra og leggjum áherslu á að starfsfólk virði mismunandi sjónarmið foreldra til hinna ýmsu mála er viðkemur börnunum. Grunnurinn að samstarfinu er lagður í aðlögunarferlinu þar sem vanda þarf vel til.

Á Tjarnarborg er starfrækt Gallerí Tafla. Þar sem margir foreldrar og starfsmenn Tjarnarborgar-barna eru í listgeiranum fannst okkur tilvalið sem lið í foreldrasamstarfi að gera okkur sýnileg í inngangi leikskólans þar sem allir fara um á hverjum degi og stofnuðum því lítið gallerí á gamalli töflu sem hefur hangið á veggnum frá örófi. Hlaut þessi lúna tafla nýtt líf og
Gallerí Tafla opnaði með pomp og prakt föstudaginn 13. janúar 2006. Og hafa verið sýningar reglulega til dagsins í dag. Allt er skráð mjög ítarlega. Með
sameiningunni bjóðum við öllum er tengjast Öldukoti að vera með !

2020- 2021 – kosið var í nýja stjórn foreldrafélagins
Hanna Dóra Hólm (Öldukot),mamma Svölu
Ingunn Heiðberg Indriðadóttir (Tjarnarborg), mamma Fróða
Oddný Eir Ævarsdóttir ( Tjarnarborg), mamma Ævars
Ragnheiður Gestsdóttir (Tjarnarborg), mamma Una

Daði Ólafsson ( Tjarnarborg), mamma Finnboga
Linnea M. Lindstrom (Tjarnarborg), mamma Bjössa og Freyju

Pétur Hjörvar (Tjarnarborg), mamma Steins Tómasar