Starfsreglur foreldraráðs leikskólans Tjarnar

1. Grundvöllur Foreldraráð leikskólans Tjarnar starfar á grundvelli 11. gr. laga um leikskóla nr. 90/2008

2. Hlutverk Hlutverk foreldraráðs er að gefa umsagnir til leiksóla um skólanámskrá og aðrar áætlanir sem varða starfsemi skólans, þ.m.t. sumarlokanir. Ráðið skal fylgjast með framkvæmdum skólanámskrár og annarra áætlana innan leikskólans og kynningu þeirra fyrir foreldrum. Foreldraráð hefur umsagnarrétt um allar meiriháttar breytingar á leikskólastarfi.

3. Skipan Leikskólastjóri skal hafa frumkvæði að kosningu í foreldraráð og auglýsa eftir framboðum samhliða auglýsingu um foreldrafund að hausti. Kosning skal fara fram í september ár hvert og kosið til eins árs í senn. Ráðið skal skipað þremur foreldrum úr sitthvoru húsinu. Hvor þriggja manna hópur skipar foreldrafélag. Leitast skal við að í ráðinu séu foreldrar barna á mismunandi aldurstigum.

4. Verkefnaskipting Á fyrsta fundi nýkjörins foreldraráðs, sem skal haldinn fyrir 1. október ár hvert, skal skipa formann þess, varaformann og ritara.

5. Fundir Foreldraráð skal funda a.m.k. þrisvar sinnum á ári og ef þörf er á. Formaður boðar til fundar í ráðinu í samráði við leikskólastjóra. Ráðið skal halda fundargerðabók og sjá til þess að fundagerðir séu foreldrum aðgengilegar. Á foreldrafundi við lok starfstímabilsins skal formaður eða annar meðlimur foreldraráðs flytja skýrslu um starfsemi ársins.

6. Trúnaður Fulltrúar í foreldraráðinu skulu gæta þagmælsku um atriði sem þeim er trúað fyrir út af setu þeirra í foreldraráði og varða fjölskylduaðstæður einstakra barna, hegðun þeirra og heilsufar eða önnur viðkvæm atriði sem eðlilegt er að fari leynt.

7. Foreldrafélög Tilgangur foreldrafélaga er að standa fyrir skemmtunum fyrir börnin og foreldra þeirra, t.d. sveitaferðir, jólaböll o.fl. Starfsemi foreldrafélaga er fjármögnuð með árlegum félagsgjöldum foreldra. Félagsgjöld skulu ákveðin af foreldrafundi við upphaf starfstímabils.