Safn frétta frá öllum deildum
17.feb 2011
- Nánar
- Yfirflokkur: Tjarnarborgar
- Greinaflokkur: Lækur
Heil og sæl !
Með því að horfa svolítið til fjölmenningarinnar í leikskólanum höfum við lífgað upp seinustu daga með ýmisskonar uppákomum. Í gær fengum við að njóta góðgætis með uppruna frá Svíþjóð, Þýskalandi og Póllandi. Foreldrar Marcelinu komu með sérstakan dessert sem borinn er fram með kanilsykri og berjasýrópi, mamma Bernandó á Tjörn kom með innbakaðar pylsur upp á þýskan máta og vegna þess að við höfum verið að syngja yndislegt sænskt lag "Vem kan segla forutan vind", þá voru bornar fram sænskar "kanilbullar og saft " í morgunsamveru að hætti svía. Bækur frá ýmsum löndum hafa verið skoðaðar og lesnar, hlustað á tónlist og prófuð ný lög og síðast en ekki síst hefur afrómenning með trumbuslætti, söng og dansi verið bæði í tónslistar og samverustundum.
Foreldraviðtölin fara svo að hefjast. Markmið þeirra er fyrst og fremst að skapa vettvang þar sem við foreldrar og kennari barnsins getum rætt um veru barnsins og líðan í leikskólanum. Við látum heyra betur frá okkur með þetta í lok næstu viku.
jan 2011
- Nánar
- Yfirflokkur: Tjarnarborgar
- Greinaflokkur: Lækur
Gleðilegt nýtt ár kæru foreldrar og börn og takk fyrir allt gamalt og gott !
Nú eru nær öll börn komin til baka úr jólafríinu sínu, enda þréttándinn í dag og við ætlum að taka upp okkar hefðbundna hópastarf eftir helgina. Börnin eru eru vel stemmd og okkur finnst eins og sum hafi tekið heilmikinn vaxtar- eða þroskakipp í fríinu sínu eða kannski sjáum við það bara betur núna þegar við hittum þau ekki á hverjum degi. Afmælisdagar voru að detta inn, Linda Sól og Orri urðu bæði þriggja ára í vikunni og var haldið upp á það með hefðbundunum hætti, kóróna, söngur og saltstangir.
Janúar verður okkur vonandi góður og sendir okkur smá snjó og meiri vetrarfegurð. Útivistin er aðeins stopul núna í mestu kuldunum eins og t.d. í dag þar sem okkur skilst að með vindkælingu sé um 20° frost úti. Þá er gott að vera inni.....mmmmm . Einhver veikindi hafa verið að stinga sér niður, smá flensu einkenni og magakveisur en við hin annars hress.
Semsagt segjum það bara aftur GLEÐILEGT NÝTT ÁR OG TAKK FYRIR GÓÐ KYNNI OG ALLA JÁKVÆÐNINA Í OKKAR GARÐ !!!!!!
2. desember 2010
- Nánar
- Yfirflokkur: Tjarnarborgar
- Greinaflokkur: Lækur
Heil og sæl í upphafi aðventu !
Allt er gott að frétta af deildinni, það er frábær stemmning í barnahópnum og við getum ekki betur séð en að allir séu að njóta sín.
Svo eru jólin í nánd einu sinni enn og við farin að rifja upp jólalögin (ekki veitir af ef allir ætla að vera með á nótunum á jólaballinu) . Við höfum verið að syngja lögin "Í skóginum stóð kofi einn, Skín í rauðar skotthúfur og Jólasveinar ganga um gólf " og síðan bætist við þegar á líður. Á aðventunni ætlum við að baka piparkökur, syngja jólalögin, fara í gönguferðir til að skoða jólaljósin og heimsækja Þorvald í dómkirkjunni og dansa þar í kringum jólatréð á kirkjuloftinu. Einnig förum við alltaf í þjóðminjasafnið til að hitta hina íslensku jólasveina en við auglýsum betur hvenær það verður.
Síðan er gaman að segja frá því að mynda-kortin eru farin að týnast inn og eru ótrúlega skemmtileg, TAKK fyrir góðar undirtektir
Annars bara bless í bili og njótið daganna í vetrarfegurðinni
12.nov.2010
- Nánar
- Yfirflokkur: Tjarnarborgar
- Greinaflokkur: Lækur
Heil og sæl öllsömul í frostinu
Vikan hefur rokið áfram og alltaf er nóg að gera. Hópastarfið gengur vel og eru allir orðnir vel áttaðir í því hvernig dagsrútinan gengur fyrir sig.
Við höfum verið að vinna með þemað "ég sjálfur/sjálf" og langar til að virkja ykkur foreldra til að útbúa smá "ég sjálf/-ur og fjölskyldan mín-kort". Hugmyndin er að þið fáið A4 karton hjá okkur og vinnið heima með barninu smá "mynda-collage" af barninu í heimaumhverfinu sínu. Það er í raun ekkert annað en stærð blaðsins sem takmarkar það sem má vera með í þessari frásögn en endilega skrifið og skreytið eins og ykkur er best lagið. Svo kemur barnið með sitt kort í skólann og við plöstum það og geymum það einhversstaðar þar sem það er sýnilegt öllum og barnið hefur skemmtilega leið til að segja frá sér og sínum. Við setjum svo fljótlega karton í hólfin og smá skýringar með ( sérstaklega fyrir þá sem ekki geta kíkt á síðuna) og vonum að þessu verði vel tekið.
