Málrækt
- Nánar
- Yfirflokkur: Upplýsingar
Markviss málörvun er rauður þráður í leikskólauppeldi. Málrækt örvar og eykur málvitund, tjáningu, málskilning og framsögn á íslensku máli og er undanfari þess að læra að lesa. Ef við höfum gott vald á móðurmálinu, höfum við vald á umhverfi okkar og samskipti við aðra verða örugg og góð.
Markmið:
- að efla hljóðvitund
- að auka orðaforða og málskilning
- að þjálfa framsögn og tjáningu
Leiðir:
Í Tjörn er lögð áhersla á að málaumhverfið sé krefjandi og hvetjandi og að málið sé notað í öllu daglegu starfi. Börnin eru hvött til að spyrja spurninga segja frá og hlusta. Lesið er fyrir börnin og þau hafa greiðan aðgang að bókum til að skoða og “lesa”.
Sjá læsisáætlun á heimasíðu sem er í stöðugri þróun!
Hópastarf
- Nánar
- Yfirflokkur: Upplýsingar
Í hópastarfi er unnið markvisst með námssviðin samkvæmt Aðalnámskrá leikskóla. Þar gefst kennurum tækifæri til að hafa yfirsýn yfir hópinn og getu hvers barns. Börnin vinna saman í litlum hópum og finna þá betur til sín bæði sem einstaklingar og hluti af hóp.
Skipulagt hópastarf fer fram frá kl.9:30-10:30 alla daga. Þá vinnur hver hópstjóri með sínum hóp að 6 námssviðum leikskólans; málrækt, myndsköpun, tónlist, hreyfingu, menningu og samfélagi, náttúru og umhverfi. Verkefnin eru skipulögð út frá þroska og aldri hvers barns og því mismunandi milli deilda. Á Læk vinnum við með þemað. Ég sjálfur og fjölskyldan mín sem er fastur liður á hverju hausti. Á Tjörn eru mismunandi þemu, börnin taka þátt í að velja verkefni hverju sinni.
Á föstudögum sameinumst við öll í söngstund í salnum þar sem börnin geta látið ljós sitt skína!